2/ Manifestua
2O22. urtean, Kataluniako profesional talde batek, haien artean Anna Ramis pedagogoa eta idazleak, manifestu bat idatzi zuen, haurtzaroa eta pantailak deiturikoa. Bertan, 0-6 urte bitarteko haurren eta pantailen erabileraren harremana aztertzen zuten, azken ezagutza zientifikoak eta prebentzio neurriak jasoz.
Azken finean, manifestuaren helburua lehen haurtzaroa gailu digitalekiko eta pantailekiko etengabeko gainesposiziotik babesteko beharraz kontzientziatzea da. Oso dokumentu interesgarria sortu zuten, zeinarekin guztiz bat natorren, baina, manifestua katalanez eta gazteleraz idatzita zegoen.
Horregatik, manifestuaren talde sortzailearekin harremanetan jarri nintzen manifestua Euskarara itzuli eta Euskal Herri mailan zabaldu ahal izateko.
Esker honez onartu zuten nire proposamena eta martxan jarri nintzen itzulpen lanarekin. Dagoeneko manifestua euskarara itzulita eta online eskegita aurki dezakezue textuaren amaieran utzi dizuedan estekan.
Baina zer jasotzen du manifestuak berez?
Manifestua sortzearen motibazioa eta egungo testuinguruaren analisia.
Pantailen lehen haurtzaroan sortzen dituzten eraginen laburpena oinarri zientifikoa kontuan harturik.
Ekintzarako proposamena, eragile eta instituzio desberdinetara zuzenduta.
0-3 urte bitartean haurrek ez lituzkete pantailak ezertarako erabili beharko.
Ikerketek erakutsi dutenez, pantailen eragina garunaren garapenean, osasun eta garapen fisikoan eta osasun emozionalean ikus daiteke, era anitzetan. Aurrerago, eta sare sozialen bitartez eragin hauetan sakonduko dugu. Eta baita manifestuak jasotzen dituen proposamenetan ere.
